Мо пайравони Пешвои миллат

26 Ноябр 2021

Мо пайравони Пешвои миллат

Мо ҷавононро мебояд, ки шукронаи ин давлати соҳибистиқлол бошему пайрави сиёсати хиратмандонаи Асосгузори сулҳу ваҳдати миллӣ-Пешвои миллат, Раиси муаззами Ҳизби Халкии Демократии Тоҷикистон Эмомалӣ Раҳмон шуда, ба доми фитнаю найрангҳои хоинони миллати тоҷик, ки ғуломони хоҷагони хориҷиашон гаштаанд наафтем ва Ватани азизамонро чун ҷони худ ҳифз намоем.

Экстремизм ва терроризм дар ҷаҳони муосир падидаи нав ба шумор намеравад, балки солҳову асрҳост, ки он ба инсоният мушкилот ва хатарҳои бепоёне эҷод мекунад. Терроризм ва экстремизм фаъолияти қатлу куштор ва ваҳшониятест, ки аз ҷониби ниҳодҳои номаълум ба воситаи хароб кардани нерўҳои ақлонӣ ва ҷисмонии одамони авбошу қотил, ҷинояткору ғоратгар, зудбовар, гумроҳу фиребхўрда мавриди амал қарор дода мешавад. Мақсади ягонаи онҳо ноором сохтани вазъ ва ба сари мардум таҳмил кардани фарҳангу мазҳаби бегона мебошад.

Имрӯз, ҳар яки мо, Тоҷикистониёнро зарур аст, ки дар таълиму тарбияи насли наврас, фарзандони худ масъулиятро боз ҳам бештар намуда, нагузорем, ки насли наврас, ҷавонон ба ҳар гуна унсурҳои бегона шуғл варзанд. Пайваста таъкид намоем, ки аз таассубу хурофотпарастӣ ва ифротгароиву тангназариҳои диниву мазҳабӣ дур бошанд. Ҳамеша ба рафтору кирдор ва тарзи либоспӯшиву муоширати онҳо аҳамияти ҷиддӣ зоҳир намоем.

Мудири шуъбаи иттилоот ва таблиғоти

КИ ҲХДТ дар ноҳияи Шаҳристон Обидов И.И

Ворух ва Мурғоб гӯшае аз Тоҷикистони маҳбуби мост

29 Октябр 2021

Ворух ва Мурғоб гӯшае аз Тоҷикистони маҳбуби мост

Сафарҳои кории Пешвои муаззами миллат муҳтарам Эмомалӣ Раҳмон ба шаҳру ноҳияҳои вилояти Хатлон, ифтитоҳи чандин иншоотҳои ҳаётан муҳим ва амалӣ гардидани тадбирҳои судманд далолати ҳамарӯза бо қадамҳои устувор пеш рафтани Тоҷикистони соҳибистиқлол  мебошад.

Мо бояд шукронаи чунин пешравиҳо карда, бо назардошти равандҳои сиёсии ҷаҳони имрӯза ҳушёриву зиракиро аз даст надиҳем.

Аз тарафи Қирғизистон сар задани баҳсҳо вобаста ба марз дар ҳудуди Ворух ва Мурғоб, вазъи кунини Афғонистон  моро бетараф гузошта наметавонад.

Президенти Қирғизистон чандин санадҳоро ҳамчун далел нишон дода истодааст,  ки он ягон асосе нест , зеро ки Ворух ва Мурғоб гӯшае аз Тоҷикистони маҳбуби мост.

Мо як ваҷаб замини Ворух ва Мурғобро ба қирғиз нахоҳем дод!

Ҳифзи ҷон воҷиб асту ҳифзи Ватан аз он воҷибтар

29 Октябр 2021

Ҳифзи ҷон воҷиб асту ҳифзи Ватан аз он воҷибтар

Барои ҳар як инсон беҳтарин чиз Ватан аст. Зеро Модар – Ватан ҳамрадифи якдигаранд. Модар моро тавлид мекунад ва мо аз ҳавои Ватан нафас мекашем ва бо меҳру навозиш ба воя мерасем. Чуноне ки Афлотун мегӯяд «Алоқае дар дунё шадидтар аз меҳр ба Ватан нест».

Имрӯз баҳсҳои марзӣ байни Тоҷикистон ва Қирғизистон ҳар як фарди ватандӯстро бетараф намегузорад. Зеро ки ҳар як ваҷаб хоки Тоҷикистон барои мо муқаддас аст.

Дар асл ифтихор аз Ватан ва садоқат ба он аз ниёгонамон то ба имрӯз дар эҳсосоти мо ҷой дорад. Ба ин маънӣ А. Фирдавсӣ гуфтааст:

Зи баҳру бару буми фарзанди хеш,

Зану кӯдаки хурду пайванди хеш.

Ҳама сар ба сар тан ба куштан диҳем,

Аз он беҳ, ки кишвар ба душман диҳем.

Боварии комил дорем, ки баҳсҳо вобаста ба марзи ду кишвар бо роҳи гуфтушунидҳо ҳалли худро меёбад.

Мудири шуъбаи рушди

иҷтимоӣ ва робита

бо ҷомеъаи дастгоҳи

раиси ноҳия.                                   Шоахмедов Исматшо

Аёдати собиқадорони фаъоли ҲХДТ

08 Сентябр 2021

Аёдати собиқадорони фаъоли ҲХДТ

Санаи 7-уми сентябри соли 2021 дар асоси нақаша чорабиниҳои кумитаи иҷроияи ҲХДТ бахшида ба 30-юмин солгарди Истиқлоли давлатии Ҷумҳурии Тоҷикистон аёдати собиқадорони фаъоли ҳизб ташкил карда шуд.

Раиси КИ ҲХДТ дар ноҳияи Шаҳристон Шаҳринисо Ҳабибуллозода бо ҳамроҳии кормандони ҳизби демократи барои аёдат ба хонадони собиқ муовини озоди ҲХДТ дар ноҳияи Шаҳристон Алиҷон Атабоев ва собиқадори соҳаи тандурусти Хосият Каримова ташриф оварданд.

Ш.Ҳабибуллозода хизматҳои назарраси собиқадоронро баҳри гулгулшукуфии диёри маҳбубамон арзёби намуда, миннатдории хешро баён кард.