Ҳашар бо маром идома дорад

03 Сентябр 2021

Ҳашар бо маром идома дорад

Дар бинои синфхонаҳои иловагӣ дар назди муассисаи таълимии N°20-и деҳаи Фирдавсии ҷамоати деҳоти Шаҳристон, ки бо ташаббуси Мақомоти иҷроияи маҳаллии ҳокимияти давлатии ноҳия бунёд гардида истодааст, ҳашар бо маром идома дорад. Раиси ноҳия муҳтарам Баҳодур Акрамзода, раиси Ҷамоати деҳоти Шаҳристон Умар Ёқубзода, Раиси собиқадорони ноҳия Асрорқулов Сулаймонқул, мудири шуъбаи маорифи ноҳия Абдурашидзода Абдувалӣ аз рафти баргузории ҳашар дидан намуданд.

Қобили зикр аст, ки дар ҳашари болопуш намудани бинои синфхонаҳои иловагӣ зиёда аз 100 нафар сокинон ва омӯзгорони ташкилотҳои ибтидоии КИ ҲХДТ-и ноҳияи Шаҳристон иштирок намуданд.

Барои вусъати корҳо шахсони саховатпеша, соҳибкорон Пӯлотов Набиҷон, Кенҷаев Зокир ва Умаров Комилҷон кӯмак расониданд.

Хонед, мулоҳиза кунед, хулоса бароред!

01 Сентябр 2021

Хонед, мулоҳиза  кунед, хулоса бароред!

Суханрони Муҳиддин Кабирӣ нисбат ба давлат ва миллати азизамон Тоҷикистон ба гуш расид. Ин шахс хоини миллат буда, асосан ба ҷавонони мо таъсир расонида истодааст. Ваҳдати миллии моро барҳам дода, ба оромиву амнияти мо халал  ва тухми нифоқу парокандагиро кориданист.                                   Аз суханрониҳояш маълум аст ки, ӯ танҳо барои манфиатҳои шахси худ ба хоҷаҳои хориҷиаш мисли ғулом кор карда, дар байни ҷомеаи Тоҷикистониён тухми нифоқу бадбиниро коштанист. Аз ин сабаб, мо ва ҳар як фарди бонангу номуси кишварро зарураст, ки зиракиву ҳушёрии сиёсиро аз даст надода, ба густариши ҳисси баланди худогоҳиву худшиносии миллӣ таҳкими ваҳдату ягонагӣ ва сулҳу субот ҳиссагузор боше

Машварати августии ҳайати роҳбарикунанда ва кормандони муҳандисию омӯзгории муассисаҳои таҳсилоти ибтидоии касбии вилояти Суғд

01 Сентябр 2021

Cанаи 20-уми августи соли равон, омӯзгорони литсейҳои касбии шаҳру ноҳияҳои вилояти Суғд ба ноҳияи Шаҳристон ташриф оварда аз бинои бозтаъмиргардидаи ЛКСК N°20 дидан намуданд.

Баъдан дар Қасри фарҳанги ноҳияи Шаҳристон машварати августии ҳайати роҳбарикунанда ва кормандони муҳандисию омӯзгории муассисаҳои таҳсилоти ибтидоии касбии вилояти Суғд баргузор гардид.

Дар машварат Раиси МИМҲД ноҳияи Шаҳристон Акрамзода Баҳодур, сардори шуъбаи таҳсилоти ибтидоии касбии дастгоҳи Вазорати меҳнат ва муҳоҷирати шуғли аҳолии Тоҷикистон Сидиқов Нозимҷон, директори муассисаи давлатии маркази таълимии методи ва мониторинги сифати таълим Мӯсоев Абдуқодир Сафарович ва директори муассисаи такмили ихтисос ва бозомӯзии кормандони системаи меҳнат ва шуғли аҳолӣ Раҷабов Раҷаб дастовард ва комёбиҳои литсейҳои касбии Ҷумҳурии Тоҷикистонро баён намуданд.

Машварати августии омӯзгорон

01 Сентябр 2021

Машварати августии омӯзгорон

Имрӯз санаи 19 августи соли равон дар толори маҷлисгоҳи МТМУ№19 дар деҳаи Ободии ноҳияи Шаҳристон, машварати августии омӯзгорон баргузор гардид.

Дар машварат сармутахасиси Раёсати маорифи вилояти Суғд Сарҳадов Бахтиёр, роҳбари дастгоҳи Раиси ноҳияи Шаҳристон Рустам Қодирӣ, мудири шуъбаи маорифи ноҳия Абдурашидзода Абдувалӣ, собиқадорони маориф ва омӯзгорони фаъоли ноҳия иштирок доштанд.

Ба машварати августии омӯзгорон мудири шуъбаи маорифи ноҳия Абдурашидзода Абдувалӣ ҳусни оғоз бахшид ва оид ба фаъолияти соҳаи маориф дар солҳои хониши 2020-2021 пурра ахборот дод.

Сипас роҳбари дастгоҳи Раиси ноҳия Рустам Қодирӣ ва сармутахасиси Раёсати маорифи вилояти Суғд Сарҳадов Бахтиёр баромад намуда, аз дастовардҳои солҳои хониши 2020-2021 хуб арзёбӣ намуда, барои солҳои хониши нави 2021-2022 комёбиҳои беназир изҳор доштанд.

Дар анҷом  директорони муассисаҳои таълими №16 Ш. Эшонқулов, №18 Ҷ. Шаропов, №19 Э.Ғойибов бо нишони сарисинагии “Аълочии маориф ва илми Тоҷикистон” сарфароз гардонида шуданд. Инчунин собиқадорон ва фаъолони соҳаи маориф бо ифтихорномаву тӯҳфаҳо қадрдонӣ гардид