Рӯзи дониш муборак , аҳли илму маориф.

06 Сентябр 2021

Рӯзи дониш муборак ,  аҳли илму маориф.

Санаи 01.09.2021 дар саросари кишвари азизамон хусусан дар муассисаҳои таҳсилоти умумии ноҳияи Шаҳристон Рӯзи дониш бо баргузории дарси сулҳ оғоз гардид. Дар ин санаи муҳими фарахбахш мудири шуъбаи ташкили ва кор бо кадрҳои кумитаи иҷроияи ҲХДТ дар ноҳияи Шаҳристон  Ғоибов Соҳибҷон ба муассисаи таҳсилоти миёнаи умумии №21 ташриф оварда, омӯзгорон ва хонандагонро бо ин санаи муҳим  аз номи Раиси ҲХДТ, Асосгузори сулҳу ваҳдати миллӣ, Пешвои миллат, Президенти мамлакат мӯҳтарам Эмомалӣ Раҳмон муборакбод намуда, сухани табрикотии Раиси ноҳия  муҳтарам Баҳодур Акрамзодаро ба саҳми омӯзгорону хонандагон расонида, ба онҳо саломатӣ бардавом, барои азхудкунии илму донишҳои замонавӣ азму иродаи қавӣ ва дар роҳи тарбияи насли соҳибилму бомаърифат барору комёбиҳои беназир таманно намуд. Маъруф зикр намуд, ки дар оянда насли наврас барои сайқал додани илму дониш ва баҳри пешравии Ватани азизамон ҳамеша дар сафи пеш бошанду, дар роҳи ободу зебо гардонидани диёри худ хаста набошанд.

Зеро, дар меҳвари сиёсати Роҳбари давлат қарор гирифтани рушди соҳаи маориф ва афзалиятнок баршуморидани он, ки ба тавлиди тафаккури нави миллӣ, худогоҳу худшинос, ватандӯсту ватанпараст ва босаводу бомаърифат шудани насли ҷавонон нигаронида шудааст, яке аз самтҳои бунёдӣ ва усулии сиёсати иҷтимоии давлат ба ҳисоб меравад.

Мо бояд хуб дарк намоем, ки баланд бардоштани сифати таълим, тарбияи ахлоқӣ, азхудкунии технологияи муосири иттилоотӣ, сатҳи забондонӣ, яъне тарбия кардан  ва ба воя расонидани наслҳои замони  нав моро ба сӯи мақсад мебарад.

Ҷамъомади тантанавӣ бахшида ба ҷашни 30-солагии Истиқлоли давлатии Ҷумҳурии Тоҷикистон дар ноҳияи Шаҳристон

06 Сентябр 2021

Ҷамъомади тантанавӣ бахшида ба ҷашни 30-солагии Истиқлоли давлатии Ҷумҳурии Тоҷикистон дар ноҳияи Шаҳристон

Санаи 26.08.2021 дар толори Қасри фарҳанги ноҳия бахшида ба 30-солагии Истиқлоли давлатии Ҷумҳурии Тоҷикистон ҷамъомади тантанавии аъзоёни КИ ҲХДТ дар ноҳияи Шаҳристон доир  гардид.

Дар ҷамъомади тантанавии доиргардида Раиси КИ ҲХДТ дар ноҳияи Шаҳристон Шаҳринисо Ҳабибуллозода, Раиси ноҳияи Шаҳристон Акрамзода Баҳодур Исмоил, намояндаи КИ ҲХДТ дар вилояти Суғд, котиби масъули нашрияи «Сухани халқ»  Моҳира Раҳимзода ва аъзоёни КИ ҲХДТ дар ноҳияи Шаҳристон иштирок намуданд.

Ҷамъомади тантанавиро Раиси КИ ҲХДТ дар ноҳияи Шаҳристон Шаҳринисо Ҳабибуллозода ифтитоҳ намуда, оид ба дастовардҳои 30-соли Истиқлоли давлатӣ ва саҳми Ҳизби Халқии Демократии Тоҷикистон дар раванди тарғибу ташвиқи сиёсати хирадмандонаи Асосгузори сулҳу ваҳдати миллӣ-Пешвои миллат, Раиси ҲХДТ, Президенти Ҷумҳури Тоҷикистон муҳтарам Эмомалӣ Раҳмон маърӯза намуд.

Раиси ноҳия Баҳодур Акрамзода ҳозирин, аъзоёни ҲХДТ-ро  бо ҷашни 30-солагии Истиқлоли давлатии Ҷумҳурии Тоҷикистон табрик  намуд.

Намояндаи КИ ҲХДТ дар вилояти Суғд Моҳира Раҳимзода табрикоти  Раиси КИ ҲХДТ дар вилояти Суғд  Исмоилзода Зуфар Муртазохонро қироат намуд.

Дар охир ба собиқадорон ва аъзоёни КИ ҲХДТ дар ноҳияи Шаҳристон Сипосномаҳои КИ ҲХДТ дар вилояти Суғд ва КИ ҲХДТ дар ноҳия ва тӯҳфаҳои хотиравӣ тақдим карда шуда, чун анъана ба се нафар ҷавонони тозаинтихоб шаҳодатномаҳои ҳизбӣ супорида шуд.

Дар охир ҷамъомади тантанавиро Раиси КИ ҲХДТ дар ноҳияи Шаҳристон Шаҳринисо Ҳабибуллозода хотима бахшид.

Ҳашар бо маром идома дорад

03 Сентябр 2021

Ҳашар бо маром идома дорад

Дар бинои синфхонаҳои иловагӣ дар назди муассисаи таълимии N°20-и деҳаи Фирдавсии ҷамоати деҳоти Шаҳристон, ки бо ташаббуси Мақомоти иҷроияи маҳаллии ҳокимияти давлатии ноҳия бунёд гардида истодааст, ҳашар бо маром идома дорад. Раиси ноҳия муҳтарам Баҳодур Акрамзода, раиси Ҷамоати деҳоти Шаҳристон Умар Ёқубзода, Раиси собиқадорони ноҳия Асрорқулов Сулаймонқул, мудири шуъбаи маорифи ноҳия Абдурашидзода Абдувалӣ аз рафти баргузории ҳашар дидан намуданд.

Қобили зикр аст, ки дар ҳашари болопуш намудани бинои синфхонаҳои иловагӣ зиёда аз 100 нафар сокинон ва омӯзгорони ташкилотҳои ибтидоии КИ ҲХДТ-и ноҳияи Шаҳристон иштирок намуданд.

Барои вусъати корҳо шахсони саховатпеша, соҳибкорон Пӯлотов Набиҷон, Кенҷаев Зокир ва Умаров Комилҷон кӯмак расониданд.

Хонед, мулоҳиза кунед, хулоса бароред!

01 Сентябр 2021

Хонед, мулоҳиза  кунед, хулоса бароред!

Суханрони Муҳиддин Кабирӣ нисбат ба давлат ва миллати азизамон Тоҷикистон ба гуш расид. Ин шахс хоини миллат буда, асосан ба ҷавонони мо таъсир расонида истодааст. Ваҳдати миллии моро барҳам дода, ба оромиву амнияти мо халал  ва тухми нифоқу парокандагиро кориданист.                                   Аз суханрониҳояш маълум аст ки, ӯ танҳо барои манфиатҳои шахси худ ба хоҷаҳои хориҷиаш мисли ғулом кор карда, дар байни ҷомеаи Тоҷикистониён тухми нифоқу бадбиниро коштанист. Аз ин сабаб, мо ва ҳар як фарди бонангу номуси кишварро зарураст, ки зиракиву ҳушёрии сиёсиро аз даст надода, ба густариши ҳисси баланди худогоҳиву худшиносии миллӣ таҳкими ваҳдату ягонагӣ ва сулҳу субот ҳиссагузор боше